梁朝偉（左）𠵱家同陳沖、湯唯喺上海拍李安嘅新片《色，戒》，偉仔同電影公司簽咗約，規定每日嘅開工時間，所以佢作息好有秩序，比其他演員早返酒店，而且入咗房就足不出戶。偉仔平時喺片場又好少同人傾偈，女主角湯唯一樣含蓄，出入都同助手一齊，反而影后陳沖就和善得多，未埋位嗰陣會同助手周圍搵嘢食，一啲架子都冇。