《香港討論區》內,不少網友認為中交(1800)及錦江(2006)首日會升60%或以上。網友yylam713話:「國內交通基建發展空間大,中交仲係龍頭,相信會俾大戶狂搶,抽唔到嘅散戶應該一開巿就掃貨。」眾多網友亦稱中交值得高追,預計首日至少升到8元,7元買入都算抵。網友leucocyte則睇好錦江,笑言:「錦江一定會勁升,因其街貨少,又係唯一內地酒店股,具奧運概念,會有排炒。」 大多數人不會即日沽貨,認為經過中通信(552)教訓後,起碼會持貨至下周一,然後視乎走勢再決定。