上周日跑完國際賽，大賽過後，工作回復正常，終有時間煲藥清感冒，亦可以偷閒打吓機。到手兩個月的電腦賽馬遊戲，一直未玩過，一玩就不得了，設計者做足資料搜集，遊戲中包含了英、愛、澳洲、日本、香港及阿聯酋的賽道，沙田馬場完全與實景一模一樣也。
連球迷操守也模擬
馬場跑道形狀、起伏斜度不一；相對下足球場必是長方形，但長闊大細依然有異，最多可以相差幾十呎呢！再加上草種、草長不同，球員踢球時球感亦有異，電腦遊戲可以模擬到幾多成呢?
逛逛game舖才知厲害！足球遊戲的花款，原來比賽馬豐富十倍，那個獲國際足協認可的遊戲，直用上朗拿甸奴做封面，查查它的資料，嘩！不得了!原來收錄了五十幾個不同球場，並且非常update，好似今季落成的阿仙奴新主場阿聯酋球場亦在其中！更有趣是依據說明，球場的氣氛、球迷的操守，亦會依照實況模擬出來；客場踢波，實被勁噓，至於比賽途中會否俾人掟水樽呢？真要玩玩才知道了。
張美德
記者出身的著名馬評人，現職馬會節目主持人。