今屆三位香港小姐陳茵媺、周家蔚和呂慧儀首次同度聖誕，會約一班港姐開派對，心情相當興奮，周家蔚更會大顯身手，煮幾味讓眾姊妹大快朵頤。
香港小姐冠軍陳茵媺、亞軍周家蔚、季軍呂慧儀準備在聖誕節開一個港姐派對，約齊三五知己搞大食會。最喜歡親自下廚的周家蔚，以往在加拿大跟家人過節時，會負責炮製十多人的聖誕大餐，她說：「因為我媽咪唔鍾意落廚，我就代替佢去煮，自己鍾意食，所以我好鍾意煮嘢食，每逢聖誕節我都會負責整幾味，我整得最好食係沙律、紅燒牛肉。今年都約咗一班港姐開party，到時可以大顯身手。」
年年報佳音
陳茵媺每年都是跟家人過聖誕，今年親人不在身邊，就跟一班姊妹過，她說：「我上個星期開始買禮物，每個人都預一份，其實買禮物好講心思，每個人性格唔同，應該買唔同嘅禮物。」
至於呂慧儀以往的聖誕都多姿多采，記得18歲扮黃蓉參加比賽勝出，前年聖誕又參加工展小姐勇奪冠軍，她說：「不過有一樣嘢每年聖誕我都會做，就係去唱聖詩報佳音，今年會希望可以同班港姐過一個開心快樂嘅聖誕。」
採訪：楊潔雯 攝影：仇志德 場地提供：apm