如果要數香港最豪嘅酒店車隊，咁就肯定係半島酒店嗰隊，因為佢哋喺36年以來，一直都係以RollsRoyce豪華房車嚟接載賓客，當中更包括1部1934年出廠嘅PhantomII；昨日，佢哋嘅車隊又有新成員加盟，就係為數達14部嘅Phantom加長版啦！
一如以往，今次半島酒店向RollsRoyce訂購呢14部Phantom加長版，車身用上名為PeninsulaGreen這款半島酒店車隊專用顏色作配襯，而內裏嘅規格則是按照「客戶訂製」計劃，喺英國南部城鎮古德伍德嘅RollsRoyce廠房內以人手製造，除咗隨車嘅標準裝備外，另外又加裝咗後座直撥IDD電話裝置、刻有酒店名稱嘅電鍍門檻，以及超大行李箱等等，以迎合酒店為客人提供最豪華接送服務嘅要求。另外值得一提嘅係，今次半島酒店嘅定單，成為咗Phantom車系歷年來接到嘅最大單一定單；照咁睇嚟，香港嘅酒店又真係幾巴閉喎！
記者、攝影：鄭達基