李嘉欣前晚以嘉賓身份在山頂出席香檳活動，蜜運中的她被問到現時城中鑽石王老五愈來愈少，會否進一步行動如派定心丸箍實男友亨亨（許晉亨）時，她笑言自己也不輸蝕，是值錢單身貴族，如果主動向男友派定心丸，即代表對方唔掂。她更自爆現時仍有其他追求者，亨亨也知情。
李嘉欣及AmandaStrang等前晚在山頂出席Perrier-Jouet香檳活動，眾人居高臨下，邊歎香檳邊欣賞維港夜景。問嘉欣與男友拍拖的地點是否山頂？她笑說：「都會嚟吓嘅，不過我以前住64樓，已經成日睇到靚景啦，但係通常我一返屋企都會拉窗簾。其實以前都唔會驚有偷拍呢樣嘢，𠵱家就唔同啦，保障自己私隱好緊要。」
「朋友重要啲」
早前陳道然（陳淑蘭）向傳媒指曾與嘉欣及許晉亨約會，但熱戀中的二人只顧四目交投，當她沒存在，嘉欣一聽便說：「唔係啩？可能道然佢敏感咗，我唔會唔理人。」問她是否屬有異性、冇人性一族？她說：「以前嘅我一拍拖就真係會暈一暈，𠵱家會清醒啦，知道朋友重要啲。」
再問會否羨慕徐子淇釣得金龜？嘉欣說：「任何人結婚都好，都係開心嘅，兩個人一齊真係好浪漫好sweet㗎。」至於現時城中鑽石王老五似買少見少，問會否進一步行動如向男友亨亨派定心丸？她說：「感情嘅嘢唔係淨係互相睇緊對方嘅，唔係淨係佢係鑽石王老五，我都係單身貴族，如果要派定心丸，咁即係佢唔掂啦。」隨後嘉欣自爆現時身邊尚有追求者，此事亨亨也知情。
尊敬鄭希怡
此外，AmandaStrang被問到鄭希怡在《東華》活動甩褲一事，她說：「我好尊敬佢，佢跌低咗仲要試多次，如果再叫我做一次空中飛人我都肯，不過可能服裝要改一改啦。」採訪：GeneNg
攝影：ChenWaiOn
