林建岳旗下的AMusic前晚特地為衞蘭（Janice）舉行大型記者會，宣布她出道至今推出三張唱片，全球銷量總計達十白金，林建岳還親身到場支持，表示為Janice感到驕傲，足證她的地位未因楊千嬅稍後過檔AMusic而動搖，依然得寵。
衞蘭入行至今共推出三張唱片，反應甚佳，其所屬唱片公司AMusic前晚為她在觀塘舉行記者會，宣布她的唱片銷售成績，全球總計達四十萬張，即有十白金，記者會現場布置得甚有聖誕氣氛，又噴雪花，十分浪漫。
林建岳派定心丸
有指楊千嬅過檔在即，將力壓Janice做AMusic一姐，前晚老闆林建岳特地現身撐場，向Janice派定心丸，寓意她仍然得寵，林建岳在台上說：「我哋唔係要炫耀成績，只係想同大家分享喜悅。」他隨即對Janice說：「I'mproudofyou（我為你感到驕傲）！」
歌迷們又送上以十種鮮花砌成的花牌，慶賀Janice得十白金這個成績，Janice開心說：「我本來唔信有咁嘅成績，仲問公司係咪真，我想請全公司人食飯慶祝呀。」有說可以叫林建岳請客，Janice說：「咁開心，佢肯出席嘅，我請佢食飯啦。」
想同黎明開party
問到黎明會否送大禮給她作鼓勵？Janice說：「唔知，希望聖誕節可以一齊開party。」問她會否請千嬅，她謂：「公司都未講，佢肯出席最好，我唔知佢過檔喎，佢都係我鍾意嘅女歌手，佢好肯教我嘢，上次教我點拉票㖭。」
Janice表示不會因千嬅加入而大感壓力，問她怕不怕公司資源被分薄？Janice說：「公司一直好似一家人，互相合作。」再提到有否覺得林建岳現身是派定心丸？Janice一臉疑惑說：「乜叫定心丸？」得知意思後，她表示：「係咩？公司每一個歌手都錫。」
採訪、攝影：王連連
