早排求大俠同大家講過，𠵱家排喺英超第3位嘅樸茨茅夫鬧緊「前鋒荒」，除咗高爾同路亞因傷要唞一排，連暫以9球喺射手榜領先嘅簡奴，都因右膝受傷送埋入院，而馬華路禾尼又報稱腿筋有微傷，想打單箭頭都唔掂。老樸領隊哈利列納仲話，嚟緊周六作客阿仙奴場聯賽，有可能要派中堅蘇甘保打前鋒，唔係啩？
鬥舊拍檔高路托尼
冇人用還冇人用，球迷覺得使唔使搵蘇甘保打前鋒咁騎呢呀？不過唔講可能唔知，原來蘇甘保讀高中嗰陣係打前鋒，加上件頭夠，聽講打得唔錯。哈利列納話𠵱家前線告急，搵勻全隊得番蘇甘保有前鋒經驗，仲話蘇甘保好識喺前線走位喎！
如果簡奴同馬華路禾尼趕唔切復出，樸茨茅夫冇理由咁衰仔打5-5-0戰術啩？既然哈利列納講到蘇甘保係前鋒料子，作為球迷當然有興趣睇吓佢踢成點啦！一來話晒蘇甘保呢場倒戈，二來以前見佢同高路托尼成日喺禁區內一齊解圍，今次就以前鋒身份要同高路托尼爭位，諗落真係幾有噱頭。
希望蘇甘保到時唔好以為自己仲係阿仙奴球員，有單刀機會或迎頂角球嗰陣，大腳幫番阿仙奴解圍就得喇！
「如果蘇甘保周六真係廖化作先鋒，一來一回後防咪仲差咗？哈利列納假如講得出做得到，波友不妨??實蘇甘保開『首球』，賠率肯定好分