張學友前菲律賓女傭因偷取其私人信件及相片，罪成被判監六個月，學友昨日接受商台節目電話訪問時說：「其實我冇意圖想佢坐監，但發生咁嘅事，朋友話報警安全啲，佢有好多動作都好奇怪，例如佢會用我屋企電話打去佢手提，搵出我電話號碼，問佢又冇解釋，就算報警都唔出聲。我所有公司同事同埋班工人都簽晒保密協議，我嘅日常生活、地址都唔可以公開，但人工會畀高啲。」
兩女有代溝
對於因出庭作證而未能欣賞女兒的表演，學友說：「我之後有睇番帶，都有解釋清楚畀佢聽，就算好同唔好都講。」學友兩個女兒相差五歲，但已有代溝，他說：「大嗰個明白事理多，但細嗰個一嚿飯，好似唔啱玩。」談到曾志偉向鄭希怡道歉，學友說：「我冇睇電視，但我估佢講笑啫。」
採訪：王連連