新股熱爆，因為凡抽中者必賺錢，連平常不炒股的太太、小姐都抽埋一份。不過，大部份投資者對新股都抱短炒態度，上市首日見隻隻股升幾成，就速放，套現再抽下一隻，實行「密食當三番」，所以有網友喺《香港討論區》搞咗個「你哋會留邊隻新股作長線投資？」嘅選舉，投票睇吓最多人長揸嘅新股係邊隻，結果截至昨日數字係中交建設（1800）跑出，喺63個投票者中，有13位揀中交，其次係中煤能源（1898）。
中煤排第二
不過，網友easywin就話：「一隻不留。」網友出納員亦話：「唔會留，三星期內放晒佢。」meowmeowtam更話：「全部唔留，聖誕前走晒去。」實行聖誕大清貨。
最多人揀作長揸嘅中交建設明天上市，主要從事基建建設，據該公司招股文件披露，富豪鄭裕彤、李嘉誠、李兆基、劉鑾雄及郭鶴年均有認購。