薛家燕（好姨）上周六完成節目《歡樂滿東華》後，隨即往內地拍劇，昨日她接受新城《家天下》的長途電話訪問。
「冇人需承擔錯誤」
提及日前曾志偉表示如果當晚他身旁的主持換了是肥姐沈殿霞，Yumiko的事件便不會發生至如此地步。好姨說：「我覺得志偉唔需要道歉，因為佢冇講錯，佢只係照稿讀，提出睇慢鏡重播都係事先安排，主要係想睇驚險動作，所以即使失手，都係照稿讀。」
家燕姐續稱跟志偉很少合作，她本身很少罵人，故當時才沒即時罵他，況且志偉負責搞氣氛，不能要求他正正經經做節目，今次事件是無心之失。不過好姨就指志偉不應將責任卸在她身上，她說：「今次事件純屬意外，冇人需承擔錯誤，所有人辛苦咗一日都係為善事，唔應該再計較其他事情。」
撰文：丁寧