金城武（左）已經喺北京拍緊《刺馬》，但因為佢一早聲明唔做探班訪問，所以部戲暫時都唔會安排記者去探班。最近部戲喺一個著名景點一線天拍緊外景，由於天氣好凍，幾位主角都拍得幾辛苦，拍慣古裝片嘅劉德華（右）同李連杰（中）當然可以適應到，但型男金城武唔係咁捱得，但佢嚟到咁遠地方拍戲都唔會刻薄自己，一收工就會同助手去搵好嘢食。