周汶錡昨日穿上中世紀歐洲宮廷服裝出席聖誕活動，她大歎古代女人不易做，出席活動前她不敢進食，怕緊身胸衣爆開。提到徐子淇與李家誠往外國舉行世紀婚禮，她自言男友尚未求婚，故不會想要到哪裏出嫁這麼遠。
周汶錡昨日往金鐘太古廣場出席聖誕節活動，由於活動以威尼斯為主題，大會特由意大利運來多套中世紀宮廷服讓周汶錡穿上，現場還有舞蹈員表演，吸引不少市民圍觀。
不敢吃東西
穿上超性感宮廷服的周汶錡，大讚這批服裝古典又漂亮，她說：「靚就好靚，不過呼吸有少少困難，以前啲女人真係唔易做，我着呢批衫前都唔敢食嘢，件corset（束身胸衣）爆開就唔好啦，所以呢啲打扮間唔中玩吓就得，長期真係冇可能。」
提到徐子淇與李家誠將會在外國舉行世紀婚禮，周汶錡的浪漫法國男友Julien在這方面應該也很有噱頭，問到他日會否在古堡舉行婚禮時，她說：「點知呀？佢（指男友）又冇求婚，況且𠵱家都未諗結婚問題，到時睇心情點先講啦，自己工作上仍須努力呀。」
購物慾大增
聖誕節將至，問周汶錡會如何慶祝，她說：「見到周圍啲聖誕裝飾咁靚，起碼已經刺激咗購物慾先啦，我最希望買啲聖誕限量版禮物送畀朋友。」
採訪、攝影：JessicaNgan
