高琳琳的故事曝光後，其網誌的留言人次至今逾五千個，包括跟琳琳父母感同身受的黃太。她的次子今年二月出生後才發現患有嚴重心臟病，於上月去世。同樣是基督徒的黃太表示：「如果當初知道個仔有咁嚴重嘅心臟病，我哋會落咗佢，基督徒唔係一定要選擇苦難，我哋都唔希望BB受苦。」高爸爸則重申，女兒出生前被醫生評估有生存機會，「每個人嘅睇法都唔同，但係每個父母都愛自己嘅仔女。」
高先生與太太均是基督徒及言語治療師，堅信不能輕易放棄生命，也習慣照顧病童，因此決定讓琳琳接受治療。他昨日向本報坦言，曾遭部份留言者抨擊，「有人又會講，既然我話凡事盡量堅持，點解又要同佢掹喉？我哋可以做嘅，係喺唔同嘅階段，為琳琳做最啱嘅決定。」
稱遭留言者抨擊
威爾斯醫院婦產科榮譽顧問醫生劉子建是高太的主診醫生之一。他昨表示，她懷孕22周時，測出琳琳患上先天性橫膈膜疝氣，與遺傳因素無關，是胎兒發育時橫膈膜穿了個洞，令內臟移位，「呢個胎值得保留，要出咗世先知對肺嘅發育影響有幾大。當然亦會解釋之後嘅uncertainty（不確定因素）。」
本報記者