落選港姐黃瑩參加選美而晉身娛樂圈，現時她尚在讀大學，故只會當幕前演出是副業。她日前接受《HIM》雜誌訪問時說：「我唔係為咗出名先入娛樂圈，如果係，咁我中七畢業就去選美啦，𠵱家算係起步，每次演出都係一大班人，觀眾未必認得我，有份做《一擲千金》都算係好開始。」
努力減肥
談到性感，黃瑩表示為怕被定型，拍泳衣照時別人才會想起她，故此會減少以性感姿態示人，她說：「瘦嘅女仔先可以叫性感，佢哋隨便着件deepV都好好睇，我只會係肉感，冇美感，所以我積極減肥中，希望應該有肉嘅地方先至有肉。」黃瑩又謂對自己的豐滿上圍感到煩惱，她說：「無論我點着衫，都會覺得好似好肥咁，買內衣都煩，啱身嘅款式少，我從未買過一件有少女氣息嘅可愛內衣，有時有啲女仔話好羨慕我，真係有苦自己知。」
撰文：丁寧