唔知智利係咪盛產翼鋒，西甲球會維拉利爾剛簽入智利20歲新彗星費南廸斯，又係翼鋒一名，佢𠵱家踢緊國內勁旅高路高路，將於下月報到；不過好衰唔衰，球王比利開金口大讚呢位小將前途無限，曾兩次親身去球場睇佢踢波咁話，讚到佢天上有地下無！比利以往讚嘅新仔無邊個得，睇嚟「烏鴉口」美言一出，費南廸斯都係冇運行㗎喇！