許志安和側田昨日到商台接受訪問，最近安仔花了三天時間為「許志安國際慈善基金會」設計會徽，他說：「將來開演唱會，想用一場嘅歌酬撥去基金會。」
樂做花仔
今年安仔的音樂事業下滑，聲勢未及陳奕迅等人，他表示不介意，並說：「上年因為爸爸身體唔好，所以我冇出席頒獎禮，今年我就算冇獎都會出席。其實今年好多新人都好突出，例如張敬軒同謝安琪，係值得鼓勵。我唔會唔開心，最多咪07年再努力。」
對於老友梁漢文快結婚，安仔說：「搵我做花童啦，我自己未結得，戥人開心先。我又唔會心急，結婚又唔係一個潮流。」
另外，安仔和側田在節目中玩樂壇知識問答遊戲，側田只得五分，算是歷來最低分的一個。
對於緋聞女友楊千嬅落實過檔AMusic，側田謂未減兩人合作機會，他說：「就算唔同公司都可以合作，冇問題啦，搵食嘛。」
採訪、攝影：王連連