薛凱琪（Fiona）近日終於拍完電視劇《新不了情》，日前她已返港灌錄新碟，但沒想到她當務之急原來是展開減肥大行動。
日日食蘋果餐
Fiona日前在電話中說：「因為我喺戲入面扮癌症病人，喺拍攝嘅三個幾月入面，自己嘅情緒都係keep住唔開心，唔知係咪咁就唔覺意食多咗，搞到塊面好圓，上鏡都算肥，所以要戒澱粉質，日日食蘋果餐，一日有兩餐食蘋果，下晝嗰餐就食飯。」
臨近年尾，又是歌手每年一度為頒獎禮衝刺的時間，Fiona對此說：「其實都擔心㗎，始終有三個月停晒宣傳咁滯，人氣梗有影響，所以一返嚟香港就好趕，要keep番曝光，嚟緊都係不停開工、影相、錄音。」
採訪：朱倬誼
攝影：林德雄