「小姐，小姐，我係醫生嚟㗎，頭先唔見咗銀包，搵極都搵唔到，家吓趕住返醫院，唔該你借啲錢畀我啦！」吳小姐是其中一名被「假醫生」成功騙財的受害者，她昨日知道騙徒落網後，拍掌叫好。
展示道具醫生袍聽筒
吳小姐表示，數年前某天，她在太子地鐵站月台遇上聲稱遺失銀包的「假醫生」，還被騙去20元。「嗰個男人滿頭大汗咁衝埋嚟，自認係醫生，話銀包俾人偷咗，問我攞100蚊。」
騙徒還向吳小姐展示一個「道具」膠袋，裏面有醫生白袍、聽筒、雞皮紙袋及X光片；當他見到吳小姐似乎有些猶豫時，便把銀碼降低:「50蚊都夠啦，我趕住返醫院做手術，唔該你幫幫忙!」吳小姐半信半疑下拿出銀包，對方一度伸手想拿取一百元，最後吳小姐給了他20元：「20蚊搭車都夠啦!」對方拿錢後便迅速離開。
3個月後，吳小姐又在太子地鐵站遇到該名「醫生」，對方使出同樣招數向她借錢，吳即瞪大眼說：「我上次咪借過錢畀你囉，乜你咁快又唔見銀包呀！」吳小姐隨即報警，可惜終被對方逃去。
本報記者