雖說人生無常，但是「返到屋企突然多咗個細媽」，相信不是人人都能夠接受的變化。網友Help近日在she.com求救：「我老竇上個禮拜帶咗個女人返嚟，原來佢響大陸結埋婚，好似話申請緊落嚟（香港），𠵱家住緊層樓係老竇個名，我和哥哥已經迫佢將層樓加埋我哋個名上去……𠵱家有咩辦法攞番層樓唔益個二奶？」
「墳場姑爺」不值所為，直斥：「老竇嘅錢就係老竇嘅事，養大你哋應該感恩同報答，你哋嘅行為同貪錢女人有咩分別？香港教育真失敗。」看過墳場姑爺的言論，adele氣憤地說：「今時今日啲香港男人真係無理取鬧，我𠵱家先知做二奶破壞人哋家庭都係冇錯。仲有，個男人根本已經犯咗重婚罪。」
心宜進一步反駁稱：「請問點樣嘅教育就唔失敗？畀大陸啲女人落嚟香港生仔霸埋我哋張床，仲要原諒佢？」最後「四嫂」語重心長地說：「版主：你老竇係唔啱，但佢始終係你老竇……話晒佢都養大你呀！」