【本報訊】從前的網吧,例必是煙霧瀰漫的青年蒲點。將於明年1月1日生效的新禁煙法例,會對網吧帶來深遠影響,業內人士估計明年約有60間網吧因而結業。為了彌補煙民客仔的流失,有網吧集團已為後市鋪路,設法開拓市場,例如網吧稀客的OL一族。
教員工應付無理客人
《吸煙(公眾衞生)(修訂)條例》下月生效,擁有32間分店的連鎖式網吧集團i-ONE董事陳永基說,禁煙法例生效後,旗下網吧會流失一成客人,「我哋已經做定一啲工夫,例如禁煙告示,又提供培訓畀同事,教佢哋點樣應付無理嘅客人。」他估計來年會有兩成網吧因為禁煙而被淘汰,「好多網吧都係吞雲吐霧嘅,冇咗煙民幫襯,佢哋好難生存。事實上,近期已經有網吧唔再續租,因為睇唔通後市,尤其是喺深水埗一類嘅舊區嗰啲。」禁煙法例迫使網吧業進一步汰弱留強,全港網吧數量本來已由五年前的400間銳跌至今年的280間,明年將會再跌至約220間。
另一網吧集團陽光網絡也一早作好部署,該公司董事陳龍盛說,早於半年前已開設無煙網吧,效果滿意,「其實唔少煙民自己都會介意二手煙,所以佢哋都話歡迎網吧禁煙。」
有危就有機,陳永基說:「禁煙之後反而為我哋帶來另一類客人,就係平時好少來嘅OL,佢哋唔鍾意烏煙瘴氣嘅環境,網吧禁煙,可望吸引多啲女性。」自從月前i-ONE在銅鑼灣開設一間無煙網吧後,陸續吸引不少女性、甚至專業客人上網吧,這正是禁煙帶來的商機。