劉心悠前日在柴灣為髮型集團拍攝新廣告，她戴上多個假髮，變身短髮型女、七彩科幻女郎等。渴望剪短髮的劉心悠，透露不會為取悅男性而剪髮，只會為錢、為電影才犧牲秀髮。
劉心悠成為本地髮型集團ILColpoGroup的07年形象女郎，她前日在柴灣拍攝新一輯廣告，展示多個不同造型，一時紮高髻扮華麗gothiclook，一時戴七彩假髮，與上次純白的清純造型截然不同，負責做styling的張栢芝御用化妝師RickChin對此說：「因為上次影相時佢係新人，啱啱出道所以用白色pure啲、clean啲，等大家容易認得佢嘅樣，𠵱家就可以試大膽點。」
嫌長髮冇變化
自言最愛短髮造型的劉心悠則說：「我好想試齊蔭同短頭髮，因為易打理，自己長髮好耐喇，又冇乜變化。」問她何不快刀一剪？她扁扁嘴說：「公司同髮型師都話唔好剪，剪咗少好多job，為咗賺錢冇法啦。」記者安慰她指男性多欣賞長髮女郎，她說：「我剪短留長都係為自己鍾意，唔係𠱁男仔囉，就算要我剃光拍電影，只要劇本好，我都唔介意。」
聖誕屋企自閉
談到聖誕將近，劉心悠透露早前休息返台灣探父母，下月將開拍新片，聖誕節會留港，她說：「我聖誕節都係喺屋企自閉，好似平時過新年咁，我好怕人多太熱鬧，喺屋企自閉仲好。」
採訪、攝影：RitaLeung
