基斯坦奴朗拿度（簡稱C朗）不嬲都係大口氣，早幾日話自己目標係直指歐洲足球先生獎之餘，又話自己嘅成就已超越簡東拿，成為歷來曼聯最出色嘅7號仔。我求大俠同意佢係後生可畏，但簡東拿喺紅魔躉心目中嘅「帝王」地位一直無變過；就算唔計簡東拿，數番轉頭仲有碧咸、前隊長白賴仁笠臣，要數最出色7號，C朗，好似仲未到你喎！