香港股票市場實行T+2制度，即買賣後兩日才進行交收，但部份散戶原來唔知點計T+2。上周五網友anfar在《香港討論區》內發問：「星期五沽了5號仔，資金在星期六上午還是下星期一才能回到戶口內？是否要等到收咗錢先可以再入市？」
問題很快得到網友回應是星期一，並知道T+2唔計星期六和星期日。網友啲答案都係錯嘅，投資者學會主席譚紹興話，網友以為星期五是T+1，星期一就係T+2，但真實情況係星期一先至係T+1，星期二係T+2，所以在星期五沽貨，最快要到星期二先可以攞番錢。
但要注意套現資金何時可以動用，視乎透過銀行抑或股票行買賣。本報查詢滙豐銀行熱線，透過該行星期五沽售股票，資金最快可於星期二下午3時存入客戶戶口，並可以即時動用，但透過股票行買賣，交收金額星期二以支票形式存入銀行，客戶最快要到星期三才可動用。
套現再用要等待
由於透過銀行買賣股票，客戶戶口先要存放足夠現金，若想再用套現資金入市，就要等到星期二下午。而透過股票行買賣，由於買股票亦是按T+2方式計算，所以星期五沽貨後可即時再入市，毋須等待資金回籠。