車路士被阿仙奴迫和，落後曼聯8分，車仔陷入絕地！如果各位球迷認為車仔依然可奪冠，由今天開始，可長追車仔！
呢季嘅英超終於係車仔落後了！曼聯成功挑戰車仔，我諗可以成為其他球隊嘅榜樣，車仔玩寸個party，影響英超生態。當然，呢度我有保留，呢幾年批評車仔嘅人，大部份都係曼聯、阿仙奴、利物浦嘅球迷，點解？因為車仔挑戰以上3隊嘅地位，純利益問題！另外，我只係擔心其他球隊一方會放水畀紅魔，一方面就對車仔打真軍，各位球迷可以多加觀察！
補車仔「和局」
車仔主場對住上緊力嘅紐卡素，我認為五五波，大家都以擊敗車仔為榮，加上英超大開快車，深信球員會留力慢慢用，所以呢場波會入球細，要「讓球主客和」嘅「和」有着數！
韋根已不及上年嘅氣勢，主場嘅贏波率只有4成，上季歇冬後，韋根嘅路數已被睇穿，主場經常失分；我冇膽量估主客和，因為阿仙奴表現不穩，我要入球細算啦！
周鵬
商業1台《球迷集中贏》主持
電郵：[email protected]