蒙嘉慧、杜麗莎和陳山蔥昨日到尖沙嘴為philosophyspa擔任剪綵嘉賓，現場提供couplespa套房，陳山蔥即場問蒙嘉慧會否推介給好朋友鄭伊健時，她即詐儍扮懵說：「我會同女仔朋友做，不過我覺得做facial係好私人，我鍾意單對單，但係我成日做做吓都會瞓着，都驚俾人呃。」
送聖誕禮物
蒙嘉慧其後又扯開話題，提到早前在歐洲宣傳引致皮膚亁燥，又懷疑食物中毒，搞到她消瘦不少，記者笑言有愛情滋潤就可補救一切，她即甜絲絲說：「唔係，呢排我皮膚好亁㗎，做treatment可以補救所有嘢，其實男女朋友一齊做facial幾好，自己都唔介意幫朋友做。」
至於今個聖誕節，蒙嘉慧就要在工作中度過，並會留在香港歡度聖誕節，當問到會否送禮物給身在內地工作的伊健時，她即說：「我好似有個朋友喺大陸，自己都未諗過送乜。」
採訪、攝影：駱華齡
