關楚耀入行有譚詠麟教路，就連佢公司都好錫佢，之前推出嘅唱片，將會推出第二版，入面加咗《守護者》同《倒數》兩首歌。早前佢仲去佛山搞個簽唱會，關楚耀話：「我以為冇人識我，點知都有好多人搵我簽名握手。」記者笑佢有冇歌迷好似緋聞女友囗詩咁搣佢塊臉，關楚耀好無奈話：「冇呀！你哋仲笑緊呢樣嘢？係咪會帶住呢件事一世㗎？」