"Puttingresourcesintoimprovingthelivesofthepoorisabetterstrategythanspendingitonguns."
「將資源用喺窮人度，好過用嚟買槍。」應屆諾貝爾和平獎得主尤努斯話。
今屆諾貝爾和平獎得主尤努斯（MuhammadYunus）前日（周日）去咗挪威奧斯陸領獎，仲大講扶貧計劃。呢位創立小額貸款計劃嘅孟加拉經濟學家話，佢嘅「鄉村銀行」生意愈做愈大，既同食品集團合資生產平價乳酪，又同科技公司合作提供平價手機同上網服務。佢又話，貧窮威脅和平，恐怖主義根源都係一個窮字，但武力反恐冇用。與其窮兵黷武，不如用錢扶貧更有效。
路透社/法新社