11月過咗，又係頒獎嘅時候。中原禮頓道分行繼10月之後，又攞到11月份營業表現大獎季軍，營業額仲有成246萬蚊，認真恭喜。
不過蘭西諗，上幾個月港島區二手市場好似無乜聲氣喎，點解佢哋咁勁，搵到咁多生意呢？原來呢間分行放眼世界，踩埋隻腳落澳門嘅新盤，單係11月，已經搞掂咗12單信德嘅超級氹仔樓花壹號湖畔，唔怪之得可以攞獎啦。
中原聯席董事徐明基話，佢哋分行上下一心，不論香港或澳門市場，都盡心盡力，先可以再次名列前茅。佢仲特別嘉許高級客戶經理廖有善，因為佢單人匹馬，促成咗7單壹號湖畔刁咁多。
𠵱家啲代理都好似無分國界咁，一有新盤出爐，話之你遠到去沙頭角，有生意一樣仆到去，家吓連對面海嘅澳門都唔放過，會唔會遲吓連大陸盤都跑埋？