中海油10至12號請記者參觀已經由佢哋接手做作業管理人嘅崖城13-1油氣田，同埋為油氣田配套嘅南山基地，原先仲計劃用直升機載大家落離岸平台，正當大家興致勃勃時收到一個噩耗，原來有個風力達4級嘅颱風「龍特」，已經由菲律賓吹到海南島沿岸，仲衝住正崖城13-1油氣田離岸平台！世事就係咁，12月聖誕都嚟緊，仲會打風！
颱風來襲 緊急疏散
由於「龍特」響菲律賓導致4人死亡，而崖城13-1喺5月俾颱風「珍珠」吹斷錨鏈嘅流花油田，到𠵱家都未訂到新錨鏈，未知幾時開得番，一向安全至上嘅中海油，即刻安排10架直升機，分兩日接響平台做緊嘢嘅近百個員工同服務供應商飛返南山基地，記者嘅參觀活動都只好作罷，只係睇吓南山基地，行家雖然失望，但聽講睇完中海油嘅風險同危機處理及安排後，覺得佢哋好抵讚喎。