安玻里前晚雖以0:3不敵國際米蘭，但39歲門將巴利表現出色，救出伊巴謙莫域單刀。球隊得佢壓陣下今季失13球，同拉素並列失球最少球隊。巴利近日公開成功秘訣，其一係比賽日狂飲咖啡，同去醫院做義工；其二係本身為註冊球證嘅老婆大人，後者兩年前曾因批評其他球證被停賽到最近先「放監」；老婆咁巴辣，巴利場上唔醒神都唔得喇！