今次波膽過關揀以4場歐協盃分組賽選材，5注出擊全中有過萬二倍分頭。
利華古遜喺B組暫時包尾，但今仗只要主場擊敗比錫達斯，就可取得出線資格；上周聯賽又主場擊敗首都球隊哈化柏林，戰意及士氣俱盛。比錫達斯喺今屆分組賽表現，明顯未達水平，今仗都係等「劏」。
海倫芬有心無力
D組海倫芬主場對朗斯，海倫芬暫以1分排榜尾，但今仗贏波的話，仍有晉級希望；不過，因為得球數及得失球差關係，海倫芬今仗要淨勝起碼兩球，以及要至少入對手3球至得！但朗斯近10場都未試過失多過兩球，敲1:1和波實際。
布力般流浪主場對南錫係E組爭首名出線之戰，兩軍暫同得7分，都已肯定晉級；布力般因得失球差不及排次席，所以要想贏得首名出線資格，今仗非勝不可；相反南錫打和都得。照睇南錫爭勝心欠奉，布力般要贏唔難，可博小勝1:0。
H組費倫巴治主場對法蘭克福，主隊打和都可以出線，法蘭克福就非勝不可，主隊大可睇定嚟食。法蘭克福剛啱至喺主場聯賽被不來梅大炒2:6，防守力唔可靠；費倫巴治就喺聯賽連贏3場，是役可試主隊勝2:1。 文：華度