「中國之寶」董方卓效力嘅安特衞普，周日喺比乙作客1:0贏咗聖吉羅斯聯隊，聯賽繼續守住次席，但「小董」就慘情啲，眉角俾對方球員撞到爆缸不特止，仲要縫咗6針。外界幾乎認定「小董」1月將返回紅魔懷抱，求大俠勸呢位中國神童踢波嘅時候要錫吓身，唔係傷住返英國，不單止爭正選位受阻，中國嘅同志們見到實心痛死咯！