費倫天拿教練柏蘭廸利周一被意大利足總選為國內球會最佳教練，帶領意大利奪得世界盃冠軍嘅納比就獲得特別獎。相比名成利就嘅納比，柏蘭廸利得獎有啲苦盡甘來嘅味道，畢竟佢呢幾年執教生涯好崎嶇；費倫今季更因假波醜聞喪失歐冠盃資格，球隊現時仲要喺護級漩渦掙扎，希望呢個獎可以鼓勵班波力爭上游喇！