細個嗰陣，屋企唔係好有錢，聖誕節唔會有禮物、唔會布置聖誕樹、更加冇機會食火雞。就係咁，我由細到大都唔知火雞究竟係點嘅樣，聽講火雞個頭係有啲嘢「dum」落嚟，但係到𠵱家我都唔係好清楚佢點「dum」法……其實聖誕節食火雞都唔一定要成隻咁食，用火雞肉整啲小食都唔錯。
聖誕煙火雞沙律杯
材料：煙火雞片4片、青瓜1/2條、車厘茄8粒、蜜桃1/2杯、薯仔1/2個、蘋果１個、粟米1/2杯、檸檬少許、沙律醬適量
做法：薯仔去皮煮熟切粒。蘋果去皮切粒，加少許檸檬汁防止變黃，混入青瓜、車厘茄、粟米粒、蜜桃、薯仔粒及沙律醬拌勻，冷藏１小時備用。
需時：20分鐘
示範︰大少奶