香港女子羽毛球代表王晨及葉姵延日前在多哈亞運會上分別勇奪女單冠、亞軍後，本地網絡世界瞬即掀起一股羽毛球熱，但網民看問題的角度有時很刁鑽，「點解羽毛球有資格叫球？」提出論題的網友黎松雅說：「又唔係球體，又唔係圓形，如果你認為有資格，咁你對球嘅definition（定義）係點？」
蠢蠢說：「欖球呢？球只係一個名啫，唔係形容外形啩。因為欖已經代表咗嗰粒係欖核形。」elusory附和說：「點解踢足球又可以用心口、手、頭接觸吖？一個名啫。」山風：「其實好多嘢都係一開始錯咗就一直錯到𠵱家，或者有人特登改個名嘅啫。」
淺葉秀明說：「我諗到兩個：『毽球』同埋『冰上曲棍球』。」Wingo13反問黎松雅：「點解菠蘿包有資格叫菠蘿？」
最後，另一較「正路」的網友則說：「因為羽毛球嘅底部係半球形，如果你覺得咁叫唔準確嘅話，你可以叫佢做『羽毛半球』㗎！」