《華爾街日報》12月初進行咗一項網上調查，蒐集網民對就業市場嘅睇法。結果發現，有份投票嘅2114人當中，認為就業市場比去年強或與去年相若嘅網民各佔差不多四成，只有約23%被訪者認為今年較差。
唔願加薪請人
網友richguha都覺得今年的確多咗好多公司請人，但家陣啲公司嘅招聘程序太繁複，求職者往往要過五關斬六將先獲聘，由寄出履歷到成功獲聘返工，可能要成幾個月時間，如果等錢開飯嘅話，分分鐘等到餓死都仲未有工返。
racote留言話，從佢不斷收到獵頭公司嘅電話同電郵可知，出面個市應該幾好，唔少公司都挖角搶人，可惜大多數公司出手好低，開出嘅條件同待遇一啲都唔吸引。
PITA亦認同市場新增職位多咗，不過好多公司寧願降低入職資格，都唔願意調高入職薪金請人。
怪唔得美國上周公布11月份新增職位達13.2萬份，多過市場預期嘅11萬份啦，11月失業率亦從10月的4.4%升至4.5%。至於打工仔時薪，11月已增至16.94美元（約131.65港元），比10月份增0.2%。