黃德斌：呢個係工作，唔係咁大件事啫，東華籌款先係最大件事，少少尷尬啦，反而擔心佢跌落嚟會扭傷。其實佢都唔使太介懷，T-back都冇嘢，件事係控制唔到，我見佢身材都幾靚呀。
周麗淇（揞住嘴笑）：為慈善都值得表揚，咁女仔梗係尷尬啦。不過如果係我就唔會着T-back，着T-back我會揞住前面，如果冇着就要前後都揞住先得囉！
官恩娜：當時我都有少少驚訝，覺得好突然，不過佢仲好勇敢同大方咁面對鏡頭，做善事大家都唔想咁。同埋意外大家都估唔到，如果着打底褲可能會好難睇，又會俾人評論話唔識着衫。
SunBoy'zSteven：我一返到屋企食飯時，一入屋我阿爸就同我講「你錯過咗Yumiko俾人扯甩褲呀」，我都有send短訊慰問佢，同埋我覺得佢好勇敢返去同大家交代呢件事。
何鴻燊三姨太陳婉珍：我睇完當時情景真係替Yumiko慘，佢為咗做善事搞成咁。