「半夜三更搭搭吓𨋢，鋼纜突然斷裂……」，「𨋢門一打開，長髮女子頭顱突然飄入來……」恐怖電梯是歷久常新的鬼古題材，最近網上竟也出現一部「無底恐怖電梯」，嚇得網友連呼怕怕：「嘩！好似好深吓喎。」「想搭𨋢都唔敢行入去」。
「唔會夠膽放低隻腳囉！」jessi的說法得到「麵包樹上的吉蒂」和應：「咁恐怖，就算知道可以企到落地，我都唔會入去。」網友「池＊2」雖然膽大一點，但仍有點擔心，「我諗企咗入去都會有啲唔係咁實在嘅感覺。」
除了驚恐外，也有冷靜網友如IsaLau說：「就算唔講都唔知係幅畫啦，真係好似無底深潭……畀我即使知係畫，都可能有啲驚。」唐老鴨則認為：「個角度睇反光啫，驚乜喎？入到去咪黑色一塊地。」最大膽的應是漁夫之寶，他說：「喺邊度㗎？如果喺香港我都想睇吓同搭吓。」