張藝謀執導、周潤發、鞏俐同周杰倫主演嘅《滿城盡帶黃金甲》，喺下個禮拜四開畫。呢部戲雖然仲未正式公映，但已經喺波士頓影評人協會（BostonFilmCritics）攞咗最佳攝影第二名。除《滿》片外，仲有部西片《ThePaintedVeil》都係得第二名，至於第一名係墨西哥片《Pan'sLabyrinth》。
嫌配樂平板
雖然《滿》片備受北美影評人注目，有人認為係張藝謀拍得最好嘅古裝武俠片，但有睇過試片嘅美國影迷就大鬧唔掂，近日就有網友喺權威電影網IMDB力數《滿》片劇情同對白沉悶、角色平面化、周杰倫演技差勁、服飾誇張到唔合邏輯、配樂太平板等，咁就真係要睇過至知嘞，不過咁多人睇、咁多人講，令到套戲更受注目，反而帶挈攞獎！
此外，周杰倫第一次拍古裝武打片，武指程小東覺得佢打得有板有眼，特別係一場以一敵萬軍嘅場面，睇嚟都幾威武。
