巴勒莫前晚終於「反底」，而且一係唔贏，一贏就數利禾奴3球。呢場波，巴勒莫一開波就好似搶錢咁，班球員爭勝意欲表露無遺。教練古杜連仲激，下半場當球隊已經贏緊2:0，佢睇見隊波遲遲未再入波，激氣得滯，曾經一頭撞埋後備席條橫樑度，唔使咁肉緊啩？呢場對利禾奴都咁，下場對羅馬點算？老友，放鬆啲好喎！