無綫上周六播映的籌款節目《歡樂滿東華》，鄭希怡（Yumiko）表演空中飛人時意外甩褲及司儀曾志偉的「任蕩Yumiko」言論，均成為全港熱話，但無綫和影視處昨日卻先後接獲觀眾投訴。
涉侮辱女性
截至昨日下午5時30分，影視處接獲29宗觀眾投訴，其中27宗是投訴志偉與錢嘉樂的言論有侮辱女性之嫌，另外兩宗是投訴籌款遊戲浪費食物及玩蛇環節令人不安；無綫方面則收到六宗投訴，全部均指摘曾志偉在Yumiko表演甩褲後，不應要求慢鏡重播。
曾與志偉傳不和的容祖兒前晚在山頂出席商台活動時，語帶諷刺的說：「呢位前輩習慣性揶揄一啲人，可能佢搞氣氛啦，不過嗰一刻普通人都有惻隱之心，冇緊要啦，為搞氣氛啫。」
譚詠麟（阿倫）昨日在黃埔出席活動時，則指志偉說話向來不經大腦，在旁的彭健新提議要懲罰志偉，阿倫即笑說：「再扑佢個頭囉，雪硬啲條雪條等我哋扑佢。」對於祖兒指志偉不時揶揄別人，阿倫說：「呢個係佢形象，要佢轉性好危險，可能會有病，可能會突然高咗幾吋，咁咪再俾人扑番矮兩吋。」