楊思琦、馬浚偉及王敏德夫婦等昨日到九龍灣德福商場，為「我係小公主選舉（決賽）」擔任評判。現年28歲的思琦特別以公主look示人，還大讚參賽的小公主可愛得意之餘也能歌擅舞，她說：「我都係第一次扮公主，我知道要做選小公主評判就隆重其事，扮成一個公主咁。」早前馬浚偉因拍劇而被馬匹撞傷眼睛，如今情況已有明顯改善，他說：「其實隻眼仲腫，入面有好多瘀血未清，所以一陣都要去睇中醫。」
扮聖誕老人送禮
王敏德與太太馬詩慧除擔任評判外，大女Kayla更擔任表演嘉賓大跳芭蕾舞，王敏德說：「我哋成家人好少一齊出席公開場合，因為今日係familyday，所以一齊出席。」他又謂每年聖誕都會扮聖誕老人送禮物給子女，今年也不例外，他說：「全世界入面香港嘅燈飾係最靚，聖誕我最想留喺香港，不過今年我未準備禮物，如果囝囝唔乖就叫聖誕老人唔好送禮物畀佢。」採訪、攝影：楊潔雯
