對於有年輕女食客遭潑滾湯恐毀容，北區醫院急症室部門主管鍾展鴻表示，滾湯含有油及鹽份，溫度會較沸水更熱，可致兩級或三級表面灼傷：「幾嚴重要視乎潑幾多、幾熱，同幾大面積受影響，但一般唔會好嚴重，多數係紅、腫、痛，但面部要小心啲，因為器官腫咗會影響呼吸。」
受傷部位通常留有疤痕，但未必一定要植皮，因為有些疤痕會慢慢退。他續稱，只要盡快治療及有良好護理，減低細菌感染發炎機會，可減輕結疤的影響。
勿在傷口塗油
至於被熱湯灼傷後，他說，千萬不要在傷口塗油或豉油，「用凍水沖洗傷口已經係最好、最舒服，之後敷番乾淨敷料或保鮮紙，如果有mask都可以用，但千祈唔好用冰直接敷上去，咁會令傷口凍傷，影響更大。」另外，東華三院遠酒高飛酗酒治療計劃介紹一條方程式，讓成年男女計算，避免過量飲酒（見表），避免酒後招致不愉快事件。
新聞資訊研究組