林子祥（阿Lam）將於本月23和24日一連兩天在澳門舉行個唱，不過其妻葉蒨文屆時會留在美國過聖誕，一對子女怕他寂寞，專程由美國回來陪他度佳節，讓阿Lam感受到親情的溫暖。
林子祥昨日在澳門漁人碼頭內的萊斯酒店舉行演唱會記者會，該酒店尚未營業，漁人碼頭的正式開幕禮將於下周六（23日）舉行，開幕禮過後，林子祥演唱會就隨即展開。由於當晚有不少外國領事欣賞其個唱，故此阿Lam在該晚演唱會中，會選唱多點英文歌，到翌晚平安夜，才會唱較多中文歌。
挑戰杜麗莎
記者問阿Lam其太太葉蒨文會否擔任演唱會的表演嘉賓？他說：「沙麗（葉蒨文）喺美國忙緊搬屋同裝修，要下個月初先返嚟，所以今年聖誕佢會留喺美國過，我就因為有工作喺身，唔可以返美國陪佢。不過我兩個仔女會返嚟香港過聖誕，到時佢哋仲會陪我一齊去澳門開show。」
記者問阿Lam是否想子女早日成家立室？他說：「呢啲嘢冇得迫，不過佢兩個已經有對象啦！幾時結婚就由仔女自己話事啦。」阿Lam又透露新碟《佐治地球轉》月底推出，明年5月又會與杜麗莎合作開演唱會，他說：「杜麗莎真係好唱得，我同老婆都唔夠佢唱呀，同佢一齊做演唱會，我覺得幾有挑戰性。」
採訪、攝影：馬建華
