一樣米養百樣人，女網友小松奈奈昨在迷你論壇「晒命」，說自己跟男友拍拖兩年豪花20多萬元，其間男友六度飛赴英倫探訪，並四次前往東京旅遊，僅在東京購物的花費就超過10萬港元。奈奈說，不僅現任男友，與上兩任男友拍拖時也從來不用她花錢。連串言論，令其他網友大為反感：「戇居！節儉小小啦妳！名牌、虛榮嘅奴隸……」有人甚至炮轟奈奈是「高級X」。
聽見奈奈「無比幸福」的言論，有女網友酸溜溜說：「我拍拖次次都AA制，佢都冇送過咩畀我，你真幸福。」奈奈接着道：「我幸福在佢真係好全心全意咁愛我，唔係佢買嘢畀我。我xbf（前度男友）去LV買嘢係睇中試啱就買，唔會問個price㖭！xxbf（再前一任男友）啱啱響Malaysia請咗個日本好出名嘅賽車tuner（調車師傅）嚟tune佢架車。-.-」
「講到自己千不想萬不願」
網友FernandoTorres9終於禁不住：「八婆，好X晒呀！」湯圓也說：「唔係話咩妒忌、唔抵得，只係我見你好多個post都好刻意強調你買好多貴嘢嘅時候，你bf都係搶住嚟到畀錢，再講到自己幾咁千不想萬不願……除咗反感，可以有咩feeling畀到？」大批網友支持湯圓的說法。
11號仔@Figo：「呢個女人真係好乞人憎，見到呢個post真係火都嚟。講你知吖，呢啲叫做敗家，你唔好以為好威先得㗎。你哋用錢之前諗一諗呢個世界幾多人食都冇得食先啦！你畀我感覺好似一隻高級『x』……」