楊婉儀上周六晚誕下７磅７安士男嬰，與一歲半長女湊成一個好字，十分有福氣。楊婉儀昨日接受電話訪問時說：「早產咗近兩個星期，不過BB都好重。我都有預感係男仔，嗰晚喺屋企穿羊水，即刻趕去醫院打針，無痛分娩生，老公（王瑞勳）都陪我入產房拍video，始終係第二胎啦，兩個人都冇咁驚青，好順利，我已經開始餵人奶同補身。」姐姐有冇呷醋？她說：「冇喎，可能佢自己都仲細，未識。」
一家齊過節
楊婉儀的預產期原本在平安夜，豈非打亂計劃？她開心表示：「仲好㖭，因為之前一直擔心趕唔切布置聖誕樹，又冇得自己落廚煮火雞，𠵱家BB早咗出世，可以一家人過聖誕，BB真係我同老公今年最好嘅聖誕禮物。」
採訪：梁錦雯