先恭喜曼聯，比車仔恰咗咁多年，今季終於有機會復仇喇，捧番失落已久嘅英超聯冠軍；不過有時形勢愈單純，對球迷亦都係好事，英超𠵱家咁嘅形勢，車路士已落後8分，以後更加冇失分空間，曼聯又唔想大好江山斷送，球迷以後都可以長追呢兩隊贏波，用嚟做過關鐵膽一定冇衰！
韋根遇強隊冇運行
講番周中，車路士又會主場對紐卡素，大家都知，上場對阿仙奴有3次中柱中楣嘅情況下失分，呢場波我諗摩連奴真係唔敢再有咩差池；特別以車路士兵源，連打兩場都冇問題，不過紐卡素本身已經有好多傷兵，作客贏到布力般已經好盡，唔好再期望佢哋再搶分，所以我認為車路士贏就梗㗎喇，更加唔只贏1球，可捧「主勝」。
另外，阿仙奴作客對韋根，其實韋根今季根本踢得唔差，但時也命也，撞啱呢排心雄嘅兵工廠，好多人擔心阿仙奴冇亨利，到底攻力有影響；不過講真，阿仙奴班後生仔，好似法比加斯、尹佩斯、法米尼，冇啲大佬管住，反而踢得仲生猛；加上韋根對親強隊都冇好結果，之前已經輸4粒畀利物浦，今次一於捧客W啦。
謝利
立博亞洲區首席博彩顧問
電郵：[email protected]