梁藝齡上周隨影音使團到澳洲拍攝節目嗰陣，發生交通意外，佢前日喺當地嘅醫院做咗顎骨手術。影音使團喺事發後即安排梁藝齡嘅胞姊去照顧佢，前日佢做完手術後，傷口雖然仲好痛，不過精神就唔錯，醫生預計佢呢個星期可以出院。梁藝齡可能會喺當地繼續休息至下月，等身體完全康復後，先安排佢返香港。