咪郁！檢查手機：
女仔揀電話　實用兼耐跌

雖然好多女仔買手機都係貪靚，好似有女同事貪MOTOKRZRK1寶藍閃光反射外殼，機身夠薄，於是見到就即刻買。但問佢有何Function，佢就話未有時間check。咁唔買新機都可以幫部機扮靚，最簡單當然係黐閃石或貼紙。好似Yami和Yvonne，都將手機大變身。但原來佢哋都唔係只看外形，都好注重內涵。
記者:馬靜兒

Yami：我試過好多個牌子（好似試護膚品咁喎！）唔係經常Hang機，就係速度好慢，個人比較喜歡Nokia。有一次唔小心在九樓跌咗部手機落街，部機竟然無事，你話勁唔勁？𠵱家用緊6280，各方面都幾好，聽歌影相都唔錯。

Yvonne：我就覺得聽歌重要，Buy音樂機多啲。𠵱家用緊索愛W850i，都ＯＫ喎！最重要由電腦傳歌落電話就咁拉落去就得，好Userfriendly。